Internet Sensasie – Mel die Storieverteller

In 2023 het nuuskierige gehore opgedaag om te sien hoe die internetsensasie Mel die Storieverteller in lewende lywe op ’n verhoog lyk. Nou stroom almal na haar vertonings, want Mel is toe skreeusnaaks in die regte lewe ook – vir mans én vroue!

In haar derde komiese een-vrou-vertoning, Internet Sensasie, ontdek gehore dat Mel nou ook kan sing!
Mel deel eerstehandse ervarings en stories uit die elektroniese oerwoud vol aandagsoekers en liggelowiges. Van Oom Riekert se groot fout, ’n beplande vuisgeveg in ’n taai plek genaamd KuduKraal, tot hoe Mel die Storieverteller ontstaan het en die siekte op haar voorkop.
Die stories is vars, onverwags en bleddie belaglik – maar blykbaar alles waar. Wel… so sê Facebook. En ons almal weet mos: wat op die internet staan, is ’n feit… maar kan betwyfel word, tensy jy dit wil glo!
’n Aand vol stories, lag en Mel se unieke manier om die absurde van die alledaagse lewe raak te sien.

🍷 Ekstras
’n Welkomdrankie is by die kaartjieprys ingesluit.
Jy kan ook vooraf ’n piekniekboks teen R95 per persoon bestel, gevul met koue vleise, kaas, olywe, vars vrugte en kraakbeskuitjies.